67. Et Zacharías pater eius replétus est Spíritu Sancto: et prophetávit dicens:
68. Benedíctus Dóminus Deus Israel, quia visitávit et fecit redemptionem plebi suae;
69. Et eréxit cornu salútis nobis: in domo David púeri sui.
70. Sicut locútus est per os sanctórum, qui a saeculo sunt, prophetárum eius:
71. Salútem ex inimícis nostris, et de manu ómnium, qui odérunt nos:
72. Ad faciéndam misericórdiam cum pátribus nostris: et memorári testaménti sui sancti.
73. Iusiurándü, quod iurávit ad Abraham patrem nostrum, datúrum se nobis:
74. Ut sine timóre, de manu inimicórum nostrórum liberáti, serviamus illi.
75. In sanctitáte, et iustítia coram ipso, ómnibus diébus nostris.
76. Et tu, puer, prophéta Altíssimi vocáberis: praeíbis enim ante fáciem Dómini paráre vias eius:
77. Ad dandam sciéntiam salútis plebi eius: in remissiónem peccatórum eórum:
78. Per víscera misericórdiae Dei nostri: in quibus visitávit nos, óriens ex alto:
79. Illumináre his, qui in tenébris, et in umbra mortis sedent: ad dirigéndos pedes nostros in viam pacis.
80. Puer autem crescébat et confortabátur spíritu: et erat in desértis usque in diem ostensiónis suæ ad Israel.
Novum Jesu Chrisi Testamentump.1912, p.144-145.
